mana ki nahin aaj taraf-dar hamari

maanā ki nahīñ aaj taraf-dār hamārī

duniyā kabhī hotī thī parastār hamārī

afsos to ye hai ki dilāsa nahīñ detā

vo baat to suntā hai ka.ī baar hamārī

zālim ke liye narm ravayya nahīñ rakhte

mazlūm pe chaltī nahīñ talvār hamārī

TuuTe hue rishtoñ kī bahālī ke liye thī

jitnī bhī huī aap se takrār hamārī

har ek se bai'at kā taqāzā nahīñ karte

ta.adād se bantī nahīñ sarkār hamārī

ham log agar aa hī ga.e haiñ sar-e-bāzār

qīmat na girā chashm-e-ḳharīdār hamārī

mana ki nahin aaj taraf-dar hamari

duniya kabhi hoti thi parastar hamari

afsos to ye hai ki dilasa nahin deta

wo baat to sunta hai kai bar hamari

zalim ke liye narm rawayya nahin rakhte

mazlum pe chalti nahin talwar hamari

TuTe hue rishton ki bahaali ke liye thi

jitni bhi hui aap se takrar hamari

har ek se bai'at ka taqaza nahin karte

tadad se banti nahin sarkar hamari

hum log agar aa hi gae hain sar-e-bazar

qimat na gira chashm-e-KHaridar hamari