mana ki TeDhi hai ye wafa ki Dagar wagar

maanā ki TeḌhī hai ye vafā kī Dagar vagar

har haal meñ usī pe kareñge safar-vafar

aisī bharūñgā aah kisī roz dekhnā

dil par tumhāre hogā yaqīnan asar-vasar

kab tak uThā.ūñ maiñ tirī nafrat kā Tokrā

mujh par ho pyāre pyaar kī ab to nazar-vazar

mere laboñ pe giit na table pe taal hai

phir kyoñ maTak rahī hai tumhārī kamar-vamar

aao tumhāre husn kā sadqa utaar duuñ

Dartā huuñ lag na jaa.e kisī kī nazar-vazar

kar do ḳhatā mu'āf mujhe khānā de bhī do

phuknī se chāhe le lo mirī tum ḳhabar-vabar

'iqbāl' ek baat kabhī maan lī thī bas

biivī huī hai tab se hī ham par zabar-vabar

mana ki TeDhi hai ye wafa ki Dagar wagar

har haal mein usi pe karenge safar-wafar

aisi bharunga aah kisi roz dekhna

dil par tumhaare hoga yaqinan asar-wasar

kab tak uThaun main teri nafrat ka Tokra

mujh par ho pyare pyar ki ab to nazar-wazar

mere labon pe git na table pe tal hai

phir kyon maTak rahi hai tumhaari kamar-wamar

aao tumhaare husn ka sadqa utar dun

Darta hun lag na jae kisi ki nazar-wazar

kar do KHata mu'af mujhe khana de bhi do

phukni se chahe le lo meri tum KHabar-wabar

'iqbaal' ek baat kabhi man li thi bas

biwi hui hai tab se hi hum par zabar-wabar