mana mere makan ki haalat KHarab hai

maanā mire makān kī hālat ḳharāb hai

par daulat-e-ḳhulūs yahāñ be-hisāb hai

ḳhushbū bikhertā huuñ bikharne ke ba.ad bhī

fitrat zarā zarā mirī misl-e-gulāb hai

merī nazar meñ koī nahīñ ḳhvār aur zalīl

har aadmī jahān meñ izzat-e-ma.āb hai

mujh ko gurez ahl-e-jahāñ se nahīñ magar

haiñ chand log jin se mujhe ijtināb hai

rakhtā nahīñ huuñ dil meñ koī ārzū-e-aish

is meñ huuñ mutma.in jo mujhe dastiyāb hai

shikva na kar jo duur hai apnoñ se aaj tū

ye tarz-e-zindagī to tirā intiḳhāb hai

tan se judā huā hai har ik uThne vaalā sar

jo jhuk gayā hai aaj vahī kāmyāb hai

vāqif hai kaun us ke nasheb-o-farāz se

'anjum' baḌī kaThin ye rah-e-inqalāb hai

mana mere makan ki haalat KHarab hai

par daulat-e-KHulus yahan be-hisab hai

KHushbu bikherta hun bikharne ke baad bhi

fitrat zara zara meri misl-e-gulab hai

meri nazar mein koi nahin KHwar aur zalil

har aadmi jahan mein izzat-e-maab hai

mujh ko gurez ahl-e-jahan se nahin magar

hain chand log jin se mujhe ijtinab hai

rakhta nahin hun dil mein koi aarzu-e-aish

is mein hun mutmain jo mujhe dastiyab hai

shikwa na kar jo dur hai apnon se aaj tu

ye tarz-e-zindagi to tera intiKHab hai

tan se juda hua hai har ek uThne wala sar

jo jhuk gaya hai aaj wahi kaamyab hai

waqif hai kaun us ke nasheb-o-faraaz se

'anjum' baDi kaThin ye rah-e-inqalab hai