mang lena sila to jaez hai

maañg lenā sila to jaa.ez hai

mil gayā na milā to jaa.ez hai

dostoñ se shikāyateñ kaisī

dostoñ se gila to jaa.ez hai

ham se milnā agar nahīñ mumkin

baat kā silsila to jaa.ez hai

is ko isbāt maanā jā.egā

bhuul kar sar hilā to jaa.ez hai

kab havā kā guzar huā dil se

phuul phir bhī khilā to jaa.ez hai

mang lena sila to jaez hai

mil gaya na mila to jaez hai

doston se shikayaten kaisi

doston se gila to jaez hai

hum se milna agar nahin mumkin

baat ka silsila to jaez hai

is ko isbaat mana jaega

bhul kar sar hila to jaez hai

kab hawa ka guzar hua dil se

phul phir bhi khila to jaez hai