mang pas-e-wafa mohabbat mein

maañg pās-e-vafā mohabbat meñ

ruuTh jaatā hai yaar hasrat meñ

zikr maujūdgī kā kartā hai

paas rahtā nahīñ vo ġhurbat meñ

sunte hī naġhma-e-vafā merā

aa hī jaatā hai phir vo harkat meñ

haal pūchhā na kar tū ab merā

ab rakhā kuchh nahīñ tabī'at meñ

kar diyā pal meñ reza reza dil

ab lagegī sadī marammat meñ

tū ne maqtal samajh liyā thā dil

kyā milā tujh ko is baġhāvat meñ

tū mujhe ye batā ke to jaatā

kaise jiite haiñ yaar furqat meñ

tum kabhī paḌh nahīñ sakoge ġham

jo likhe haiñ 'habīb' ke ḳhat meñ

mang pas-e-wafa mohabbat mein

ruTh jata hai yar hasrat mein

zikr maujudgi ka karta hai

pas rahta nahin wo ghurbat mein

sunte hi naghma-e-wafa mera

aa hi jata hai phir wo harkat mein

haal puchha na kar tu ab mera

ab rakha kuchh nahin tabi'at mein

kar diya pal mein reza reza dil

ab lagegi sadi marammat mein

tu ne maqtal samajh liya tha dil

kya mila tujh ko is baghawat mein

tu mujhe ye bata ke to jata

kaise jite hain yar furqat mein

tum kabhi paDh nahin sakoge gham

jo likhe hain 'habib' ke KHat mein