mangi hai jaan aapne iman lijiye

māñgī hai jaan aap ne īmān lījiye

ab to ḳhudā ke vāste pahchān lījiye

dār-o-rasan kā kis liye ehsān lījiye

lutf-o-karam se aap mirī jaan lījiye

māyūsiyoñ se farhat-e-armān lījiye

majbūriyoñ se sūrat-e-imkān lījiye

mujh ko najāt dījiye merī taḌap se aap

lekin taḌap hayāt hai ye jaan lījiye

āvāz hai jaras kī ye koī ġhazal nahīñ

merī fuġhāñ hai duur se pahchān lījiye

dekheñ 'rafīq' daam se bachtā hai kis tarah

shāhīñ asiir karnā hai ye Thaan lījiye

mangi hai jaan aap ne iman lijiye

ab to KHuda ke waste pahchan lijiye

dar-o-rasan ka kis liye ehsan lijiye

lutf-o-karam se aap meri jaan lijiye

mayusiyon se farhat-e-arman lijiye

majburiyon se surat-e-imkan lijiye

mujh ko najat dijiye meri taDap se aap

lekin taDap hayat hai ye jaan lijiye

aawaz hai jaras ki ye koi ghazal nahin

meri fughan hai dur se pahchan lijiye

dekhen 'rafiq' dam se bachta hai kis tarah

shahin asir karna hai ye Than lijiye