maniye baat meri saz badalte rahiye

māniye baat mirī saaz badalte rahiye

kabhī lahja kabhī āvāz badalte rahiye

ek hī taur jo apnāyā to phañs jā.eñge

jaise hālāt hoñ andāz badalte rahiye

shikva-e-shūmī-e-taqdīr to nādānī hai

aap tadbīr se parvāz badalte rahiye

hai munāsib yahī is duniyā meñ jiine ke liye

dam ghuTe jis se vo dam-sāz badalte rahiye

aa ga.e aap sanam-ḳhāne meñ to yaad rahe

apne sajdoñ ke bhī andāz badalte rahiye

chāhte haiñ ki ho izzat kā tahaffuz har dam

dost badle haiñ to phir raaz badalte rahiye

asr-e-hāzir kā taqāzā to yahī hai 'monis'

raaz kī baat hai ham-rāz badalte rahiye

maniye baat meri saz badalte rahiye

kabhi lahja kabhi aawaz badalte rahiye

ek hi taur jo apnaya to phans jaenge

jaise haalat hon andaz badalte rahiye

shikwa-e-shumi-e-taqdir to nadani hai

aap tadbir se parwaz badalte rahiye

hai munasib yahi is duniya mein jine ke liye

dam ghuTe jis se wo dam-saz badalte rahiye

aa gae aap sanam-KHane mein to yaad rahe

apne sajdon ke bhi andaz badalte rahiye

chahte hain ki ho izzat ka tahaffuz har dam

dost badle hain to phir raaz badalte rahiye

asr-e-hazir ka taqaza to yahi hai 'monis'

raaz ki baat hai ham-raaz badalte rahiye