mar Dala mujhe furqat ne qaza se pahle

maar Daalā mujhe furqat ne qazā se pahle

ho gayā kaam adā un kī adā se pahle

sabqat ehsān ko hai un ke mire isyāñ par

afv karte haiñ ḳhatā ko vo ḳhatā se pahle

ham ne sikhlā.e haiñ andāz-e-vafā-o-iḳhlās

āgahī kab thī unheñ rasm-e-vafā se pahle

kyoñ na taqdīm mire kufr ko islām pe ho

but kalīsā meñ nazar aa.e ḳhudā se pahle

mar Dala mujhe furqat ne qaza se pahle

ho gaya kaam ada un ki ada se pahle

sabqat ehsan ko hai un ke mere isyan par

afw karte hain KHata ko wo KHata se pahle

hum ne sikhlae hain andaz-e-wafa-o-iKHlas

aagahi kab thi unhen rasm-e-wafa se pahle

kyon na taqdim mere kufr ko islam pe ho

but kalisa mein nazar aae KHuda se pahle