mar do mujhko be-haya hun main

maar do mujh ko be-hayā huuñ maiñ

tere siine ko tāktā huuñ maiñ

ab to kuchh yaad hī nahīñ ḳhud se

āḳhirī baar kab milā huuñ maiñ

aap kī shādmānī kī ḳhātir

bārhā jhuuT boltā huuñ maiñ

ashk jo hijr meñ bahā.e the

ġham-zadoñ ko pilā rahā huuñ maiñ

zindagī tū nahīñ ḳhafā mujh se

zindagī tujh se to ḳhafā huuñ maiñ

surma.ī āñkhoñ ko zarā kholo

ġhaur se dekh lo judā huuñ maiñ

dāvar-e-hashr itnā kah de bas

ḳhush raho terā aasrā huuñ maiñ

mar do mujh ko be-haya hun main

tere sine ko takta hun main

ab to kuchh yaad hi nahin KHud se

aaKHiri bar kab mila hun main

aap ki shadmani ki KHatir

barha jhuT bolta hun main

ashk jo hijr mein bahae the

gham-zadon ko pila raha hun main

zindagi tu nahin KHafa mujh se

zindagi tujh se to KHafa hun main

surmai aankhon ko zara kholo

ghaur se dekh lo juda hun main

dawar-e-hashr itna kah de bas

KHush raho tera aasra hun main