mara hamein is daur ki aasan-talbi ne

maarā hameñ is daur kī āsāñ-talbī ne

kuchh aur the is daur meñ jiine ke qarīne

har jaam lahū-rañg thā dekhā ye sabhī ne

kyuuñ shīsha-e-dil chuur thā pūchhā na kisī ne

ab halqa-e-girdāb hī āġhosh-e-sukūñ hai

sāhil se bahut duur Dubo.e haiñ safīne

har lamha-e-ḳhāmosh thā ik daur-e-pur-āshob

guzre haiñ isī taur se saal aur mahīne

maazī ke mazāroñ kī taraf soch ke baḌhnā

ho jāoge māyūs na kho do ye dafīne

har bazm-e-suḳhan jhūTe nagīnoñ kī numā.ish

sartāj-e-suḳhan the jo kahāñ haiñ vo nagīne

mara hamein is daur ki aasan-talbi ne

kuchh aur the is daur mein jine ke qarine

har jam lahu-rang tha dekha ye sabhi ne

kyun shisha-e-dil chur tha puchha na kisi ne

ab halqa-e-girdab hi aaghosh-e-sukun hai

sahil se bahut dur Duboe hain safine

har lamha-e-KHamosh tha ek daur-e-pur-ashob

guzre hain isi taur se sal aur mahine

mazi ke mazaron ki taraf soch ke baDhna

ho jaoge mayus na kho do ye dafine

har bazm-e-suKHan jhuTe naginon ki numaish

sartaj-e-suKHan the jo kahan hain wo nagine