mare ghusse ke ghazab ki tab ruKHsaron mein hai

maare ġhusse ke ġhazab kī taab ruḳhsāroñ meñ hai

kal to thī phūloñ meñ gintī aaj añgāroñ meñ hai

tab kī sozish se mire chehre kī surḳhī dekhnā

kuchh tumheñ ḳhush-rū nahīñ ye phir tarah-dāroñ meñ hai

ruuh tere ghar ko chhoḌe ye kabhī mumkin nahīñ

jism merā ḳhaak ho kar us kī dīvāroñ meñ hai

itnī zardī saarī duniyā kī ḳhizāñ meñ bhī na ho

jitnī aur zālim tirī ulfat ke bīmāroñ meñ hai

yā ghaTe kuchh ishq merā yā baḌhe duniyā meñ husn

ye to nā-kāfī hai jitnā un dil-āzāroñ meñ hai

aa.ine meñ Dāltā hai ruḳh pe merī sī nigāh

tū bhī mere saath ulfat ke gunahgāroñ meñ hai

qudrat itne naaz paidā kar sakegī yā nahīñ

un kā jitnā sarf tere nāz-bardāroñ meñ hai

mas.ala kasrat meñ vahdat kā huā hal tum se ḳhuub

ek hī jhuuT aur tumhāre laakh iqrāroñ meñ hai

qaid meñ kitnī baḌhī mere junūñ kī kāhilī

us se kam hai jitnī duniyā bhar ke be-kāroñ meñ hai

chāñd hī kah de jo dekhā ho kahīñ tujh sā hasīñ

us ne bhī dekhī hai duniyā ye bhī sayyāroñ meñ hai

kufr ne islām ko shāyad kahīñ maarā ki 'shauq'

mātamī poshāk se ka.aba azādāroñ meñ hai

mare ghusse ke ghazab ki tab ruKHsaron mein hai

kal to thi phulon mein ginti aaj angaron mein hai

tab ki sozish se mere chehre ki surKHi dekhna

kuchh tumhein KHush-ru nahin ye phir tarah-daron mein hai

ruh tere ghar ko chhoDe ye kabhi mumkin nahin

jism mera KHak ho kar us ki diwaron mein hai

itni zardi sari duniya ki KHizan mein bhi na ho

jitni aur zalim teri ulfat ke bimaron mein hai

ya ghaTe kuchh ishq mera ya baDhe duniya mein husn

ye to na-kafi hai jitna un dil-azaron mein hai

aaine mein Dalta hai ruKH pe meri si nigah

tu bhi mere sath ulfat ke gunahgaron mein hai

qudrat itne naz paida kar sakegi ya nahin

un ka jitna sarf tere naz-bardaron mein hai

masala kasrat mein wahdat ka hua hal tum se KHub

ek hi jhuT aur tumhaare lakh iqraron mein hai

qaid mein kitni baDhi mere junun ki kahili

us se kam hai jitni duniya bhar ke be-karon mein hai

chand hi kah de jo dekha ho kahin tujh sa hasin

us ne bhi dekhi hai duniya ye bhi sayyaron mein hai

kufr ne islam ko shayad kahin mara ki 'shauq'

matami poshak se kaba azadaron mein hai