marka ab ke hua bhi to phir aisa hoga
ma.arka ab ke huā bhī to phir aisā hogā
tere dariyā pe mirī pyaas kā pahra hogā
us kī āñkheñ tire chehre pe bahut boltī haiñ
us ne palkoñ se tirā jism tarāshā hogā
kitne jugnū isī ḳhvāhish meñ mire saath chale
koī rasta tire ghar ko bhī to jaatā hogā
maiñ bhī apne ko bhulā.e hue phirtā huuñ bahut
aa.ina us ne bhī kuchh roz na dekhā hogā
raat jal-thal mirī āñkhoñ meñ utar aayā thā
sūrat-e-abr koī TuuT ke barsā hogā
ye masīhā.ī use bhuul ga.ī hai 'mohsin'
yā phir aisā hai mirā zaḳhm hī gahrā hogā
marka ab ke hua bhi to phir aisa hoga
tere dariya pe meri pyas ka pahra hoga
us ki aankhen tere chehre pe bahut bolti hain
us ne palkon se tera jism tarasha hoga
kitne jugnu isi KHwahish mein mere sath chale
koi rasta tere ghar ko bhi to jata hoga
main bhi apne ko bhulae hue phirta hun bahut
aaina us ne bhi kuchh roz na dekha hoga
raat jal-thal meri aankhon mein utar aaya tha
surat-e-abr koi TuT ke barsa hoga
ye masihai use bhul gai hai 'mohsin'
ya phir aisa hai mera zaKHm hi gahra hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
