marke mein ishq ke sar se guzarne se na Dar
ma.arke meñ ishq ke sar se guzarne se na Dar
gar uThātā hai to ye jokhoñ to marne se na Dar
jān-e-man terā garebāñ-gīr ho saktā hai kaun
āshiqoñ ke ḳhuuñ meñ tū dāman ke bharne se na Dar
zāhidā tū sohbat-e-rindāñ meñ aayā hai to sun
tark gaalī kā na kar pagḌī utarne se na Dar
gar subuk-bārī kī ḳhvāhish hai to us qātil se phir
zindagī ik bojh hai sar kā utarne se na Dar
us ke har halqe meñ haiñ dil se pareshānoñ ke saath
ye na kah hamdam ki zulf us kī bikharne se na Dar
us ke kūche meñ qadam rakhte hue kaTtā hai sar
sar ko rakh le haath par aur paañv dharne se na Dar
dil diyā tū ne 'muhib' ab ḳhauf hai kis chiiz kā
do-do bāteñ zehn se jis vaqt karne se na Dar
marke mein ishq ke sar se guzarne se na Dar
gar uThata hai to ye jokhon to marne se na Dar
jaan-e-man tera gareban-gir ho sakta hai kaun
aashiqon ke KHun mein tu daman ke bharne se na Dar
zahida tu sohbat-e-rindan mein aaya hai to sun
tark gali ka na kar pagDi utarne se na Dar
gar subuk-bari ki KHwahish hai to us qatil se phir
zindagi ek bojh hai sar ka utarne se na Dar
us ke har halqe mein hain dil se pareshanon ke sath
ye na kah hamdam ki zulf us ki bikharne se na Dar
us ke kuche mein qadam rakhte hue kaTta hai sar
sar ko rakh le hath par aur panw dharne se na Dar
dil diya tu ne 'muhib' ab KHauf hai kis chiz ka
do-do baaten zehn se jis waqt karne se na Dar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
