masum KHwahishon ki pashimaniyon mein tha

Riaz Majeed

masum KHwahishon ki pashimaniyon mein tha

Riaz Majeed

MORE BY Riaz Majeed

    ma.asūm ḳhvāhishoñ pashīmāniyoñ meñ thā

    jiine lutf to inhīñ nādāniyoñ meñ thā

    āñhkeñ bichhāte har kas-o-nākas raah meñ

    yuuñ jazba-e-ḳhulūs farāvāniyoñ meñ thā

    naddī meñ pahroñ jhāñkte rahte the pul se ham

    kyā bhed thā jo bahte hue pāniyoñ meñ thā

    patthar bane khaḌe the tajassus ke dasht meñ

    dil gum tilism-e-shauq hairāniyoñ meñ thā

    yuuñ reñg reñg kar na guzarte the roz o shab

    dariyā-e-zīst bhī kabhī jaulāniyoñ meñ thā

    sanjīdgī gahrī lakīroñ meñ Dhal gayā

    ma.asūmiyat nuur jo peshāniyoñ meñ thā

    ik ghar banā ke kitne jhameloñ meñ phañs ga.e

    kitnā sukūn be-sar-o-sāmāniyoñ meñ thā

    din aarzū ke yūñhī udāsī meñ kaT ga.e

    vo apne dukh meñ apnī pareshāniyoñ meñ thā

    us ke liye bhī zindagī pal pal azaab thī

    vo bhī sulagte vaqt ke zindāniyoñ meñ thā

    vo zabt o e'tidāl o tavāzun kahāñ 'riyāz'

    meyār-e-fan ki jo kabhī yunāniyoñ meñ thā

    masum KHwahishon ki pashimaniyon mein tha

    jine ka lutf to inhin nadaniyon mein tha

    aanhken bichhate har kas-o-nakas ki rah mein

    yun jazba-e-KHulus farawaniyon mein tha

    naddi mein pahron jhankte rahte the pul se hum

    kya bhed tha jo bahte hue paniyon mein tha

    patthar bane khaDe the tajassus ke dasht mein

    dil gum tilism-e-shauq ki hairaniyon mein tha

    yun reng reng kar na guzarte the roz o shab

    dariya-e-zist bhi kabhi jaulaniyon mein tha

    sanjidgi ki gahri lakiron mein Dhal gaya

    masumiyat ka nur jo peshaniyon mein tha

    ek ghar bana ke kitne jhamelon mein phans gae

    kitna sukun be-sar-o-samaniyon mein tha

    din aarzu ke yunhi udasi mein kaT gae

    wo apne dukh mein apni pareshaniyon mein tha

    us ke liye bhi zindagi pal pal azab thi

    wo bhi sulagte waqt ke zindaniyon mein tha

    wo zabt o e'tidal o tawazun kahan 'riyaz'

    meyar-e-fan ki jo kabhi yunaniyon mein tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites