mayusi ki barf paDi thi lekin mausam sard na tha

māyūsī kī barf paḌī thī lekin mausam sard na thā

aaj se pahle dil meñ yāro! itnā ThanDā dard na thā

tanhā.ī kī bojhal rāteñ pahle bhī to barsī thiiñ

zaḳhm nahīñ the itne qātil ġham itnā be-dard na thā

phirte haiñ ab rusvā hote kal tak ye raftār na thī

shahr meñ thiiñ sau ku-e-malāmat dil āvāra-gard na thā

marne par bhī lau detī thī dīvāne ke dil kī aag

pathrā.ī thiiñ āñkheñ lekin phuul sā chehra zard na thā

harf-e-tasallī mauj-e-havā the mauj-e-havā se hotā kyā

siine kā patthar thā 'qaisar', ġham dāman kī gard na thā

mayusi ki barf paDi thi lekin mausam sard na tha

aaj se pahle dil mein yaro! itna ThanDa dard na tha

tanhai ki bojhal raaten pahle bhi to barsi thin

zaKHm nahin the itne qatil gham itna be-dard na tha

phirte hain ab ruswa hote kal tak ye raftar na thi

shahr mein thin sau ku-e-malamat dil aawara-gard na tha

marne par bhi lau deti thi diwane ke dil ki aag

pathrai thin aankhen lekin phul sa chehra zard na tha

harf-e-tasalli mauj-e-hawa the mauj-e-hawa se hota kya

sine ka patthar tha 'qaisar', gham daman ki gard na tha