mayusiyon ko oDh ke sona paDa hamein

māyūsiyoñ ko oḌh ke sonā paḌā hameñ

din ko hañse to raat ko ronā paḌā hameñ

vo jis ko DhūñDne meñ guzārī tamām 'umr

ye kyā sitam ki phir use khonā paḌā hameñ

ye iḳhtiyārī faisla thā yā kuchh aur thā

tum se mile to phir judā honā paḌā hameñ

vo ek naam chaah se likkhā thā bārhā

dil se use phir aañkh se dhonā paḌā hameñ

'tārā' kināre aa lagī kashtī jab ek dam

girdāb meñ phir aap ko khonā paḌā hameñ

mayusiyon ko oDh ke sona paDa hamein

din ko hanse to raat ko rona paDa hamein

wo jis ko DhunDne mein guzari tamam 'umr

ye kya sitam ki phir use khona paDa hamein

ye iKHtiyari faisla tha ya kuchh aur tha

tum se mile to phir juda hona paDa hamein

wo ek nam chah se likkha tha barha

dil se use phir aankh se dhona paDa hamein

'tara' kinare aa lagi kashti jab ek dam

girdab mein phir aap ko khona paDa hamein