mabda-e-husn se kaise ye juda hai yaksar

mabda-e-husn se kaise ye judā hai yaksar

ki zamān aur makāñ ek adā hai yaksar

ye jo dī hai hameñ āzādī-e-afkār-o-amal

koī batlāo jazā hai ki sazā hai yaksar

vaqt hai teshā-o-shamshīr kā jis meñ kab se

vo hathelī abhī masrūf-e-duā hai yaksar

marhabā jashn-e-jibillat ki nahīñ ham pāband

marhabā ziist ki āzād-e-hayā hai yaksar

baat kahne ko hai kuchh aur jahāñ kā mamdūh

bāl-e-jibrīl nahīñ bāl-e-humā hai yaksar

tū samajhtā hai jise apnā muizz-o-razzāq

ham samajhte haiñ vahī terā ḳhudā hai yaksar

aaj jo fitrat-e-ādam nazar aatī hai hameñ

ye mirī jaan zamāne kī huā hai yaksar

mamba-e-faiz se aatī hai jo rahmat yaañ tak

ye hameñ āl-e-mohammad kī atā hai yaksar

ḳhāliq-e-ḳhatm-e-rusul āl-e-ebā kā masjūd

apnā masjūd magar āl-e-ebā hai yaksar

mabda-e-husn se kaise ye juda hai yaksar

ki zaman aur makan ek ada hai yaksar

ye jo di hai hamein aazadi-e-afkar-o-amal

koi batlao jaza hai ki saza hai yaksar

waqt hai tesha-o-shamshir ka jis mein kab se

wo hatheli abhi masruf-e-dua hai yaksar

marhaba jashn-e-jibillat ki nahin hum paband

marhaba zist ki aazad-e-haya hai yaksar

baat kahne ko hai kuchh aur jahan ka mamduh

baal-e-jibril nahin baal-e-huma hai yaksar

tu samajhta hai jise apna muizz-o-razzaq

hum samajhte hain wahi tera KHuda hai yaksar

aaj jo fitrat-e-adam nazar aati hai hamein

ye meri jaan zamane ki hua hai yaksar

mamba-e-faiz se aati hai jo rahmat yan tak

ye hamein aal-e-mohammad ki ata hai yaksar

KHaliq-e-KHatm-e-rusul aal-e-eba ka masjud

apna masjud magar aal-e-eba hai yaksar