مدار ذات کے گرداب سے نکل آؤں
مدار ذات کے گرداب سے نکل آؤں
میں اپنی ذات کے اسباب سے نکل آؤں
بس ایک بار تو پانی پہ اپنا عکس دکھا
قسم خدا کی میں سیلاب سے نکل آؤں
جو محو رقص نہ ہوں میری روح کے ہم راہ
میں ایسے حلقۂ احباب سے نکل آؤں
میں اپنی جاگتی آنکھوں سے زندگی دیکھوں
مری تمنا ہے میں خواب سے نکل آؤں
ترا تو لہجہ بہت دل شکن ہے اے جاناں
تری کہانی کے ہر باب سے نکل آؤں
جو تیرے لمس کی حدت کو جیت لوں تو میں
پھر اپنی ذات کے برفاب سے نکل آؤں
گندھا ہوا ہے مری ذات کے خمیر میں یہ
میں کیسے عالم اسباب سے نکل آؤں
یہ روشنی مری تہذیب کا ہی حاصل ہے
میں کیسے حلقۂ آداب سے نکل آؤں
جو میرا پیار ہے رومیؔ اگر کبھی مل جائے
میں اپنی ذات کے ہر خواب سے نکل آؤں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
