مگر یہ قصہ تب کا ہے کہ جب اس کے قریں تھے ہم

مگر یہ قصہ تب کا ہے کہ جب اس کے قریں تھے ہم

یہ سارا آسماں اپنا تھا خوش باش و حسیں تھے ہم

یہیں ہاں جس جگہ اب خاک اڑتی پھرتی ہے ہر سو

یہیں اپنے مکاں تھے جن میں برسوں تک مکیں تھے ہم

گزشتہ رات سنتے ہیں بہت ہی تیز آندھی تھی

گزشتہ رات لیکن شہر سے باہر کہیں تھے ہم

سواد نامرادی میں بریدہ پر پھڑکتے ہیں

مگر کچھ یاد پڑتا ہے کہ بازوئے یقیں تھے ہم

نہ جانے کار دنیا کس طرح راس آ گیا اتنا

کہ یوں مصروف تو کار جنوں میں بھی نہیں تھے ہم