magar ye qissa tab ka hai ki jab uske qarin the hum

magar ye qissa tab kā hai ki jab us ke qarīñ the ham

ye saarā āsmāñ apnā thā ḳhush-bāsh-o-hasīñ the ham

yahīñ haañ jis jagah ab ḳhaak uḌtī phirtī hai har sū

yahīñ apne makāñ the jin meñ barsoñ tak makīñ the ham

guzishta raat sunte haiñ bahut hī tez āñdhī thī

guzishta raat lekin shahr se bāhar kahīñ the ham

savād-e-nā-murādī meñ burīda par phaḌakte haiñ

magar kuchh yaad paḌtā hai ki bāzū-e-yaqīñ the ham

na jaane kār-e-duniyā kis tarah raas aa gayā itnā

ki yuuñ masrūf to kār-e-junūñ meñ bhī nahīñ the ham

magar ye qissa tab ka hai ki jab us ke qarin the hum

ye sara aasman apna tha KHush-bash-o-hasin the hum

yahin han jis jagah ab KHak uDti phirti hai har su

yahin apne makan the jin mein barson tak makin the hum

guzishta raat sunte hain bahut hi tez aandhi thi

guzishta raat lekin shahr se bahar kahin the hum

sawad-e-na-muradi mein burida par phaDakte hain

magar kuchh yaad paDta hai ki bazu-e-yaqin the hum

na jaane kar-e-duniya kis tarah ras aa gaya itna

ki yun masruf to kar-e-junun mein bhi nahin the hum