mahaz-e-nur se yaksar haTa diye gae hum

mahāz-e-nūr se yaksar haTā diye ga.e ham

misāl-e-sham-e-saharī bujhā diye ga.e ham

saroñ kī fasl pe shāyad zakāt vājib thī

so is nisāb se ab ke ghaTā diye ga.e ham

makīn-e-ḳhuld haiñ ham bhī nasab kī nisbat se

zamīñ pe hasb-e-mashiyyat basā diye ga.e ham

visāl-o-hijr bhī haiñ faisle nasīboñ ke

kisī se bichhḌe kisī se milā diye ga.e ham

badan ke bojh se ik umr tak niDhāl rahe

zamīñ kī god meñ āḳhir sulā diye ga.e ham

mahaz-e-nur se yaksar haTa diye gae hum

misal-e-sham-e-sahari bujha diye gae hum

saron ki fasl pe shayad zakat wajib thi

so is nisab se ab ke ghaTa diye gae hum

makin-e-KHuld hain hum bhi nasab ki nisbat se

zamin pe hasb-e-mashiyyat basa diye gae hum

visal-o-hijr bhi hain faisle nasibon ke

kisi se bichhDe kisi se mila diye gae hum

badan ke bojh se ek umr tak niDhaal rahe

zamin ki god mein aaKHir sula diye gae hum