mahfil-e-dar mein hangama-e-sar baqi hai

mahfil-e-dār meñ hangāma-e-sar baaqī hai

shukr hai silsila-e-fikr-o-nazar baaqī hai

raat ke baa'd bhī raat aane kā Dar baaqī hai

kuchh sahī phir bhī ik imkān-e-sahar baaqī hai

dil kahāñ dil kī jagah us kī nazar baaqī hai

aa.ina TuuT gayā ā.ina-gar baaqī hai

dil kī dahlīz se ruḳhsat huiiñ yādeñ kitnī

ik tirī nīm-nigāhī kā asar baaqī hai

rāhbar saath haiñ ek ek qadam par lekin

ye to batlā.e koī kitnā safar baaqī hai

dil lahū ham ne kiyā haath lahū ham ne kiye

phir bhī ik silsila-e-kār-e-hunar baaqī hai

kis liye hādsa-e-vaqt se Darte ho 'majīd'

sang aate hī raheñge jo ye sar baaqī hai

mahfil-e-dar mein hangama-e-sar baqi hai

shukr hai silsila-e-fikr-o-nazar baqi hai

raat ke ba'd bhi raat aane ka Dar baqi hai

kuchh sahi phir bhi ek imkan-e-sahar baqi hai

dil kahan dil ki jagah us ki nazar baqi hai

aaina TuT gaya aaina-gar baqi hai

dil ki dahliz se ruKHsat huin yaaden kitni

ek teri nim-nigahi ka asar baqi hai

rahbar sath hain ek ek qadam par lekin

ye to batlae koi kitna safar baqi hai

dil lahu hum ne kiya hath lahu hum ne kiye

phir bhi ek silsila-e-kar-e-hunar baqi hai

kis liye hadsa-e-waqt se Darte ho 'majid'

sang aate hi rahenge jo ye sar baqi hai