mahfil mein agar saqi-e-gulfam nahin hai

mahfil meñ agar sāqī-e-gulfām nahīñ hai

rindoñ ko mai-o-jām se kuchh kaam nahīñ hai

ārām se haiñ aur sabhī log jahāñ meñ

ham ishq ke māroñ ko hī ārām nahīñ hai

ai rāhrav-e-rāh-e-mohabbat ye samajh le

is raah meñ rāhat kā kahīñ naam nahīñ hai

lazzat-kash-e-āġhāz-e-mohabbat hai abhī dil

dīvāne ko andesha-e-anjām nahīñ hai

kyā aa.egā vo ahl-e-mohabbat kī nazar meñ

duniyā-e-mohabbat meñ jo badnām nahīñ hai

pur-nūr hai jo aks-e-ruḳh-e-yār se 'nayyar'

us sub.h-e-munavvar kī koī shaam nahīñ hai

mahfil mein agar saqi-e-gulfam nahin hai

rindon ko mai-o-jam se kuchh kaam nahin hai

aaram se hain aur sabhi log jahan mein

hum ishq ke maron ko hi aaram nahin hai

ai rahraw-e-rah-e-mohabbat ye samajh le

is rah mein rahat ka kahin nam nahin hai

lazzat-kash-e-aghaz-e-mohabbat hai abhi dil

diwane ko andesha-e-anjam nahin hai

kya aaega wo ahl-e-mohabbat ki nazar mein

duniya-e-mohabbat mein jo badnam nahin hai

pur-nur hai jo aks-e-ruKH-e-yar se 'nayyar'

us subh-e-munawwar ki koi sham nahin hai