محفل سے آخر اس کی نکلوائے جائیں گے (ردیف .. ب)

محفل سے آخر اس کی نکلوائے جائیں گے

شیخی سے جا تو بیٹھے تھے اک بار عنقریب

وحشت بھرے ہوئے مرے تیور کو دیکھ کر

آتا نہیں ہے اب کوئی غم خوار عنقریب

وہ دن گئے جنوں کے مداوا کے واسطے

دو چار روز بیٹھے تو دو چار عنقریب

جنس وفا کی قدر گر اظہار کیجیے

کہتا ہے مجھ کو یاں سے ہے بازار عنقریب

اے بد سلیقہ یہ بھی قرینہ ہے بزم کا

عشاق دور بیٹھیں اور اغیار عنقریب

لے اپنے آشیاں کی خبر جلد جبرئیل

پہونچی ہماری آہ شرربار عنقریب

دوری شہیدیؔ اپنی سمجھ کا قصور تھا

ہے شہ رگ گلو سے بھی یاں یار عنقریب