مہجور ہر انجمن ہیں ہم لوگ
مہجور ہر انجمن ہیں ہم لوگ
اپنے میں جلا وطن ہیں ہم لوگ
جو سبزہ و برگ سے ہو محروم
وہ شبنم بے کفن ہیں ہم لوگ
اے اپنی ہی خلوتوں میں محبوس
شاید تری انجمن ہیں ہم لوگ
خود اپنے شعور جاں سے ملبوس
بے پیکر و پیرہن ہیں ہم لوگ
اے عالم رنگ رنگ تخلیق
آزردہ جان و تن ہیں ہم لوگ
خود اپنے وجود میں تقید
پابستہ بے رسن ہیں ہم لوگ
ہر عہد کی شہریت سے محروم
ہر شہر میں بے وطن ہیں ہم لوگ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
