mahr-e-taban hun Dhal raha hun main

mahr-e-tābāñ huuñ Dhal rahā huuñ maiñ

vaqt ke saath chal rahā huuñ maiñ

fazl-e-rab se havā muāfiq hai

bujhne vaalā thā jal rahā huuñ maiñ

merā mahbūb shāḳh-e-gul jaisā

soch kar hī machal rahā huuñ maiñ

us ko paanā bahut kaThin thā magar

is mission meñ saphal rahā huuñ maiñ

qadr kī jaa.e mere sheroñ kī

logo motī ugal rahā huuñ maiñ

ik taraf rakh diyā hai apnā mizāj

hasb-e-mausam badal rahā huuñ maiñ

rahguzar ishq kī are tauba

jaise sho.aloñ pe chal hā huuñ maiñ

log mar jaate haiñ 'zamāñ' in meñ

jin masā.il meñ pal rahā huuñ meñ

mahr-e-taban hun Dhal raha hun main

waqt ke sath chal raha hun main

fazl-e-rab se hawa muafiq hai

bujhne wala tha jal raha hun main

mera mahbub shaKH-e-gul jaisa

soch kar hi machal raha hun main

us ko pana bahut kaThin tha magar

is mission mein saphal raha hun main

qadr ki jae mere sheron ki

logo moti ugal raha hun main

ek taraf rakh diya hai apna mizaj

hasb-e-mausam badal raha hun main

rahguzar ishq ki are tauba

jaise shoalon pe chal ha hun main

log mar jate hain 'zaman' in mein

jin masail mein pal raha hun mein