mahrumi-e-dawam pe nazan koi to ho

mahrūmī-e-davām pe nāzāñ koī to ho

ai dil jafā-e-dost ke shāyāñ koī to ho

āḳhir kisī ko kah to sakeñ rafta-e-bahār

phūloñ kī tarh chāk-garebāñ koī to ho

barq-e-chaman ko ham se 'adāvat nahīñ magar

ayyām-e-gul meñ soḳhta-sāmāñ koī to ho

koī kalī to khil ke hañse sehn-e-bāġh meñ

ai dil harīf-e-gardish-e-daurāñ koī to ho

rusvā.iyāñ ki dār-o-rasan yā dar-e-habīb

'mumtāz' apnī ziist kā 'unvāñ koī to ho

mahrumi-e-dawam pe nazan koi to ho

ai dil jafa-e-dost ke shayan koi to ho

aaKHir kisi ko kah to saken rafta-e-bahaar

phulon ki tarh chaak-gareban koi to ho

barq-e-chaman ko hum se 'adawat nahin magar

ayyam-e-gul mein soKHta-saman koi to ho

koi kali to khil ke hanse sehn-e-bagh mein

ai dil harif-e-gardish-e-dauran koi to ho

ruswaiyan ki dar-o-rasan ya dar-e-habib

'mumtaz' apni zist ka 'unwan koi to ho