mahtab hai na aks-e-ruKH-e-yar ab koi

mahtāb hai na aks-e-ruḳh-e-yār ab koī

kaaTe to kis tarah ye shab-e-tār ab koī

mumkin hai dast-o-bāzū-e-qātil to thak bhī jaa.e

shāyad thame na dīda-e-ḳhūñbār ab koī

ahl-e-jafā se kahnā tarāsheñ salīb-o-dār

shāyān-e-sarv-qāmat-e-dil-dār ab koī

har ahd meñ agarche rahā jurm harf-e-haq

shāyad na aa.e ham sā gunahgār ab koī

haañ ai junūn 'sarmad'-o-'mansūr' ko naved

is dhaj se aa.egā na sar-e-dār ab koī

shahr-e-havas meñ qadr-e-vafā tere dam se thī

is jins kā nahīñ hai ḳharīdār ab koī

ai kaj-kulāh-e-ābla-pāyān-e-rāh-e-shauq

shāyad hī gul khilā.e sar-e-ḳhār ab koī

jitnā lahū thā sarf-e-qabā ho chukā tamām

kū-e-vafā meñ aa.e na zinhār ab koī

mahtab hai na aks-e-ruKH-e-yar ab koi

kaTe to kis tarah ye shab-e-tar ab koi

mumkin hai dast-o-bazu-e-qatil to thak bhi jae

shayad thame na dida-e-KHunbar ab koi

ahl-e-jafa se kahna tarashen salib-o-dar

shayan-e-sarw-qamat-e-dil-dar ab koi

har ahd mein agarche raha jurm harf-e-haq

shayad na aae hum sa gunahgar ab koi

han ai junun 'sarmad'-o-'mansur' ko nawed

is dhaj se aaega na sar-e-dar ab koi

shahr-e-hawas mein qadr-e-wafa tere dam se thi

is jins ka nahin hai KHaridar ab koi

ai kaj-kulah-e-abla-payan-e-rah-e-shauq

shayad hi gul khilae sar-e-KHar ab koi

jitna lahu tha sarf-e-qaba ho chuka tamam

ku-e-wafa mein aae na zinhaar ab koi