mahw-e-hairat hun zamin-zade kahan tak aa gae

mahv-e-hairat huuñ zamīñ-zāde kahāñ tak aa ga.e

jin ko rahnā thā zamīñ par āsmāñ tak aa ga.e

rāz-e-ulfat dil meñ rakhne kī qasam khaa.ī magar

jab havā badlī to vo nok-e-zabāñ tak aa ga.e

hādsoñ ne dil kī barbādī pe merī bas na kī

vo miTāne ko mirā nām-o-nishāñ tak aa ga.e

ḳhud-kushī thī yā taqāzā-e-numū-e-shauq thā

dil ke dariyā āb-e-bahr-e-be-karāñ tak aa ga.e

zaḳhm-e-dil kī daad paane kī tavaqqo.a jin se thī

vo to ulTe jān-o-dil ke imtihāñ tak aa ga.e

kāmrānī haft-ḳhvān-e-shuq kī jāneñge ham

DhūñDte ain-e-yaqīñ vahm-o-gumāñ tak aa ga.e

barq-raftārī meñ 'rāhī' sar kiyā vo sañg-e-mīl

the farishte bhī pas-e-rū ham jahāñ tak aa ga.e

mahw-e-hairat hun zamin-zade kahan tak aa gae

jin ko rahna tha zamin par aasman tak aa gae

raaz-e-ulfat dil mein rakhne ki qasam khai magar

jab hawa badli to wo nok-e-zaban tak aa gae

hadson ne dil ki barbaadi pe meri bas na ki

wo miTane ko mera nam-o-nishan tak aa gae

KHud-kushi thi ya taqaza-e-numu-e-shauq tha

dil ke dariya aab-e-bahr-e-be-karan tak aa gae

zaKHm-e-dil ki dad pane ki tawaqqoa jin se thi

wo to ulTe jaan-o-dil ke imtihan tak aa gae

kaamrani haft-KHwan-e-shuq ki jaanenge hum

DhunDte ain-e-yaqin wahm-o-guman tak aa gae

barq-raftari mein 'rahi' sar kiya wo sang-e-mil

the farishte bhi pas-e-ru hum jahan tak aa gae