محو رعنائیٔ نگار میں ہے
محو رعنائیٔ نگار میں ہے
یا نظر پھول کے کنار میں ہے
گل بھی زخمی صبا بھی آوارہ
کون آسودہ لالہ زار میں ہے
میری آشفتہ قسمتی کی جھلک
کچھ اگر ہے تو زلف یار میں ہے
اے خراب تلاش خضر و مسیح
زندگانی فریب یار میں ہے
عشق سے حسن آ گیا ورنہ
شاعری اپنی کس شمار میں ہے
ہائے وہ آنکھ جو نہ ہو مشتاق
آہ وہ دل جو اختیار میں ہے
کون جانے اسے کہ بیچارہ
جوہرؔ خوش نوا برار میں ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
