mahw-e-ranai-e-nigar mein hai

mahv-e-ra.anā.ī-e-nigār meñ hai

yā nazar phuul ke kanār meñ hai

gul bhī zaḳhmī sabā bhī āvāra

kaun āsūda lāla-zār meñ hai

merī āshufta-qismatī kī jhalak

kuchh agar hai to zulf-e-yār meñ hai

ai ḳharāb-e-talāsh-e-ḳhizr-o-masīh

zindagānī fareb-e-yār meñ hai

ishq se husn aa gayā varna

shā.erī apnī kis shumār meñ hai

haa.e vo aañkh jo na ho mushtāq

aah vo dil jo iḳhtiyār meñ hai

kaun jaane use ki bechāra

'jauhar'-e-ḳhush-navā barār meñ hai

mahw-e-ranai-e-nigar mein hai

ya nazar phul ke kanar mein hai

gul bhi zaKHmi saba bhi aawara

kaun aasuda lala-zar mein hai

meri aashufta-qismati ki jhalak

kuchh agar hai to zulf-e-yar mein hai

ai KHarab-e-talash-e-KHizr-o-masih

zindagani fareb-e-yar mein hai

ishq se husn aa gaya warna

shaeri apni kis shumar mein hai

hae wo aankh jo na ho mushtaq

aah wo dil jo iKHtiyar mein hai

kaun jaane use ki bechaara

'jauhar'-e-KHush-nawa barar mein hai