محو سجدہ کبھی مصروف دعا ہوتا ہوں

محو سجدہ کبھی مصروف دعا ہوتا ہوں

ایک لمحہ بھی اگر تجھ سے جدا ہوتا ہوں

بات کرتا ہوں تو ہوتا ہوں قیامت کا سکوت

اور خاموش جو ہوتا ہوں صدا ہوتا ہوں

اپنے جذبات پہ رکھتا ہوں مکمل قابو

میں کسی پر بڑی مشکل سے فدا ہوتا ہوں

میری فطرت ہی نہیں چیخنے چلانے کی

میں تو خود سے بھی سلیقے سے جدا ہوتا ہوں

میں نئے عہد کی تحقیق ہوں تخلیق نہیں

راز کی طرح کتابوں میں چھپا ہوتا ہوں

آنکھ میں ہوں تو نظر آتا ہوں اک قطرۂ اشک

پھیل جاؤں تو سمندر سے سوا ہوتا ہوں