mahw-e-sajda kabhi masruf-e-dua hota hun

mahv-e-sajda kabhī masrūf-e-duā hotā huuñ

ek lamha bhī agar tujh se judā hotā huuñ

baat kartā huuñ to hotā huuñ qayāmat kā sukūt

aur ḳhāmosh jo hotā huuñ sadā hotā huuñ

apne jazbāt pe rakhtā huuñ mukammal qaabū

maiñ kisī par baḌī mushkil se fidā hotā huuñ

merī fitrat hī nahīñ chīḳhne chillāne kī

maiñ to ḳhud se bhī salīqe se judā hotā huuñ

maiñ na.e ahd kī tahqīq huuñ taḳhlīq nahīñ

raaz kī tarah kitāboñ meñ chhupā hotā huuñ

aañkh meñ huuñ to nazar aatā huuñ ik qatra-e-ashk

phail jā.ūñ to samundar se sivā hotā huuñ

mahw-e-sajda kabhi masruf-e-dua hota hun

ek lamha bhi agar tujh se juda hota hun

baat karta hun to hota hun qayamat ka sukut

aur KHamosh jo hota hun sada hota hun

apne jazbaat pe rakhta hun mukammal qabu

main kisi par baDi mushkil se fida hota hun

meri fitrat hi nahin chiKHne chillane ki

main to KHud se bhi saliqe se juda hota hun

main nae ahd ki tahqiq hun taKHliq nahin

raaz ki tarah kitabon mein chhupa hota hun

aankh mein hun to nazar aata hun ek qatra-e-ashk

phail jaun to samundar se siwa hota hun