mahw kar Dali kisi ne dil se meri yaad tak

mahv kar Daalī kisī ne dil se merī yaad tak

ho nahīñ saktī magar is zulm par fariyād tak

vahshateñ itnī baḌhī haiñ kārobār-e-shauq meñ

duur mujh se bhāgtā hai ab mirā ham-zād tak

terī merī laġhzishoñ par hī kahāñ mauqūf hai

baat chal niklī to phir jā.egī ye ajdād tak

sochtā huuñ kyā kareñge indimāl-e-dard-e-dil

ġhaur se sunte nahīñ haiñ jo mirī rūdād tak

ban ga.e insān apnī zaat meñ jangal 'munīr'

uḌ ga.ī hai bastiyoñ se bū-e-ādam-zād tak

mahw kar Dali kisi ne dil se meri yaad tak

ho nahin sakti magar is zulm par fariyaad tak

wahshaten itni baDhi hain karobar-e-shauq mein

dur mujh se bhagta hai ab mera ham-zad tak

teri meri laghzishon par hi kahan mauquf hai

baat chal nikli to phir jaegi ye ajdad tak

sochta hun kya karenge indimal-e-dard-e-dil

ghaur se sunte nahin hain jo meri rudad tak

ban gae insan apni zat mein jangal 'munir'

uD gai hai bastiyon se bu-e-adam-zad tak