mai-kada raat gham ka ghar nikla

mai-kada raat ġham kā ghar niklā

dil-havelī tale khañDar niklā

maiñ use DhūñDhtā thā āñkhoñ meñ

phuul ban kar vo shāḳh par niklā

kis ke saa.e meñ sar chhupāoge

vo shajar dhuup kā shajar niklā

us kā āñchal bhī koī bādal thā

vo havāoñ kā ham-safar niklā

koī kāġhaz na thā lifāfe meñ

sirf titlī kā ek par niklā

jab se jaanā ki vo bahādur haiñ

dil se kuchh dushmanoñ kā Dar niklā

zindagī ik faqīr kī chādar

jab Dhake paañv ham ne sar niklā

mai-kada raat gham ka ghar nikla

dil-haweli tale khanDar nikla

main use DhunDhta tha aankhon mein

phul ban kar wo shaKH par nikla

kis ke sae mein sar chhupaoge

wo shajar dhup ka shajar nikla

us ka aanchal bhi koi baadal tha

wo hawaon ka ham-safar nikla

koi kaghaz na tha lifafe mein

sirf titli ka ek par nikla

jab se jaana ki wo bahadur hain

dil se kuchh dushmanon ka Dar nikla

zindagi ek faqir ki chadar

jab Dhake panw hum ne sar nikla