mai-kade mein gae to kya hoga

mai-kade meñ ga.e to kyā hogā

dard dil kā mire sivā hogā

jo huā hai vahī sadā hogā

bā-vafā hai jo bevafā hogā

tum kaho vaqt hai tumhāre saath

ham kaheñge to ye gila hogā

chand tinke abhī haiñ dāman meñ

fasl-e-gul aa ga.ī to kyā hogā

ham kareñge zarūr zikr-e-vafā

jānte haiñ ki vo ḳhafā hogā

sāz-e-hastī ko soch kar chheḌo

ek din ye bhī be-sadā hogā

kaam kartā hai raat din 'ahmad'

hogā qismat meñ jo likhā hogā

mai-kade mein gae to kya hoga

dard dil ka mere siwa hoga

jo hua hai wahi sada hoga

ba-wafa hai jo bewafa hoga

tum kaho waqt hai tumhaare sath

hum kahenge to ye gila hoga

chand tinke abhi hain daman mein

fasl-e-gul aa gai to kya hoga

hum karenge zarur zikr-e-wafa

jaante hain ki wo KHafa hoga

saz-e-hasti ko soch kar chheDo

ek din ye bhi be-sada hoga

kaam karta hai raat din 'ahmad'

hoga qismat mein jo likha hoga