mai-kade se dar-e-jaanan ki taraf aae hain

mai-kade se dar-e-jānāñ kī taraf aa.e haiñ

aaj ham kufr se īmāñ kī taraf aa.e haiñ

log jaate haiñ bahāroñ meñ gulistāñ kī taraf

ham gulistāñ se bayābāñ kī taraf aa.e haiñ

dīda-o-dil ko hai qurbat tire ġham se lekin

ashk bah kar mire dāmāñ kī taraf aa.e haiñ

jab bhī ādāb-e-junūñ tark kiye haiñ ham ne

haath vahshat meñ garebāñ kī taraf aa.e haiñ

thī jinheñ bahr-e-havādis meñ kināre kī talāsh

jaane kyā soch ke tūfāñ kī taraf aa.e haiñ

ahl-e-gulshan pe koī vaqt paḌā hai jab bhī

phuul uḌ-uḌ ke bayābāñ kī taraf aa.e haiñ

tiir us kī nigah-e-nāz ke aksar 'shādāñ'

dil se guzre haiñ rag-e-jāñ kī taraf aa.e haiñ

mai-kade se dar-e-jaanan ki taraf aae hain

aaj hum kufr se iman ki taraf aae hain

log jate hain bahaaron mein gulistan ki taraf

hum gulistan se bayaban ki taraf aae hain

dida-o-dil ko hai qurbat tere gham se lekin

ashk bah kar mere daman ki taraf aae hain

jab bhi aadab-e-junun tark kiye hain hum ne

hath wahshat mein gareban ki taraf aae hain

thi jinhen bahr-e-hawadis mein kinare ki talash

jaane kya soch ke tufan ki taraf aae hain

ahl-e-gulshan pe koi waqt paDa hai jab bhi

phul uD-uD ke bayaban ki taraf aae hain

tir us ki nigah-e-naz ke aksar 'shadan'

dil se guzre hain rag-e-jaan ki taraf aae hain