mai-kasho mai-kashi ki baat karo
mai-kasho mai-kashī kī baat karo
ranj-o-ġham meñ ḳhushī kī baat karo
saarā aalam hī raqs meñ gum hai
tum bhī kuchh be-ḳhudī kī baat karo
kyoñ udāsī hai aaj mahfil meñ
ham-nashīñ dil-lagī kī baat karo
jo luTā baiThe jaan ulfat meñ
aise ik aadmī kī baat karo
chand lamha sukūn-e-dil to mile
amn aur āshtī kī baat karo
bhuul jaao tamām shikve-gile
dosto dostī kī baat karo
talḳhī-e-zīst ko bhulā ke 'majīd'
husn aur āshiqī kī baat karo
mai-kasho mai-kashi ki baat karo
ranj-o-gham mein KHushi ki baat karo
sara aalam hi raqs mein gum hai
tum bhi kuchh be-KHudi ki baat karo
kyon udasi hai aaj mahfil mein
ham-nashin dil-lagi ki baat karo
jo luTa baiThe jaan ulfat mein
aise ek aadmi ki baat karo
chand lamha sukun-e-dil to mile
amn aur aashti ki baat karo
bhul jao tamam shikwe-gile
dosto dosti ki baat karo
talKHi-e-zist ko bhula ke 'majid'
husn aur aashiqi ki baat karo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
