mai-KHana ki raunaq hai juda shan-e-haram aur

mai-ḳhāna kī raunaq hai judā shān-e-haram aur

mai-kash kā mizāj aur hai zāhid kā bharam aur

nākāmī-e-takmīl-e-tamanna hai ik āġhāz

asbāb-e-ġham-e-jāñ to abhī hoñge baham aur

kuchh dasht-navardī ke to kuchh koh-kanī ke

afsāna-e-tash.hīr-e-vafā hoñge raqam aur

paspā.ī pe āmāda jo sardāroñ ko dekhā

ham le ke baḌhe ḳhūn-e-tamannā kā alam aur

ik lafz ki tafsīr banā ḳhūn-e-jigar kī

hai ziist kā mafhūm ki maulā kā karam aur

mai-KHana ki raunaq hai juda shan-e-haram aur

mai-kash ka mizaj aur hai zahid ka bharam aur

nakaami-e-takmil-e-tamanna hai ek aaghaz

asbab-e-gham-e-jaan to abhi honge baham aur

kuchh dasht-nawardi ke to kuchh koh-kani ke

afsana-e-tashhir-e-wafa honge raqam aur

paspai pe aamada jo sardaron ko dekha

hum le ke baDhe KHun-e-tamanna ka alam aur

ek lafz ki tafsir bana KHun-e-jigar ki

hai zist ka mafhum ki maula ka karam aur