mai-KHane mein baDhti gai tafriq-e-nihan aur
mai-ḳhāne meñ baḌhtī ga.ī tafrīq-e-nihāñ aur
shīshe kā bayāñ aur hai saaqī kā bayāñ aur
inkār-e-haqīqat bhī hai ik sair-e-haqīqat
hotā hai yaqīñ aur to baḌhtā hai gumāñ aur
rañgīn fazāoñ meñ Tapakne lage aañsū
aayā huuñ gulistān to shabnam hai chakāñ aur
is darja bhī māyūs na dekhī thiiñ bahāreñ
duniyā meñ haiñ ai dost bahut mulk-e-ḳhizāñ aur
har gaam 'nushūr' ābla-pā.ī kā hai aalam
kuchh duur hai ye qāfila-e-dard ravāñ aur
mai-KHane mein baDhti gai tafriq-e-nihan aur
shishe ka bayan aur hai saqi ka bayan aur
inkar-e-haqiqat bhi hai ek sair-e-haqiqat
hota hai yaqin aur to baDhta hai guman aur
rangin fazaon mein Tapakne lage aansu
aaya hun gulistan to shabnam hai chakan aur
is darja bhi mayus na dekhi thin bahaaren
duniya mein hain ai dost bahut mulk-e-KHizan aur
har gam 'nushur' aabla-pai ka hai aalam
kuchh dur hai ye qafila-e-dard rawan aur
- Book : Sawad-e-manzil (Pg. 267)
- Author : Nushoor wahedi
- Publication : Sarvat Wahidi D/o Nushoor wahedi (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
