mai piye mast hai sarshaar kahan jata hai

mai piye mast hai sarshār kahāñ jaatā hai

is shab-e-tār meñ ai yaar kahāñ jaatā hai

teġh-bar-dosh sipar haath meñ dāman-gardāñ

ye banā sūrat-e-ḳhuñḳhār kahāñ jaatā hai

dil ko ārām nahīñ ek bhī dam yaañ tujh bin

tū mire paas se dildār kahāñ jaatā hai

ek aalam abhī hairat-zada kar aayā tū

phir ab ai ā.īna-ruḳhsār kahāñ jaatā hai

jām-o-mīnā-o-mai-o-sāqī-o-mutrib ham-rāh

is sar-anjām se 'bedār' kahāñ jaatā hai

mai piye mast hai sarshaar kahan jata hai

is shab-e-tar mein ai yar kahan jata hai

tegh-bar-dosh sipar hath mein daman-gardan

ye bana surat-e-KHunKHar kahan jata hai

dil ko aaram nahin ek bhi dam yan tujh bin

tu mere pas se dildar kahan jata hai

ek aalam abhi hairat-zada kar aaya tu

phir ab ai aaina-ruKHsar kahan jata hai

jam-o-mina-o-mai-o-saqi-o-mutrib ham-rah

is sar-anjam se 'bedar' kahan jata hai