main aalam-e-imkan mein jise DhunDh raha hun
maiñ ālam-e-imkāñ meñ jise DhūñDh rahā huuñ
vo pūchh rahā hai ki kise DhūñDh rahā huuñ
maazī ke bayābāñ meñ jo gum ho gayā mujh se
maiñ haal ke jañgal meñ use DhūñDh rahā huuñ
go pesh-e-nazar ek tamāsha hai va-lekin
ai vaj.h-e-tamāsha maiñ tujhe DhūñDh rahā huuñ
tū haath jo aatā nahīñ is kā hai sabab kyā
shāyad maiñ tujhe tujh se pare DhūñDh rahā huuñ
chhīnā thā jise sub.h-e-gurezāñ kī chamak ne
us lamhe ko ab shaam Dhale DhūñDh rahā huuñ
har ik se jo kahtā hoñ kahīñ 'arsh' ko DhūñDo
kyuuñ apne bahāne maiñ use DhūñDh rahā huuñ
main aalam-e-imkan mein jise DhunDh raha hun
wo puchh raha hai ki kise DhunDh raha hun
mazi ke bayaban mein jo gum ho gaya mujh se
main haal ke jangal mein use DhunDh raha hun
go pesh-e-nazar ek tamasha hai wa-lekin
ai wajh-e-tamasha main tujhe DhunDh raha hun
tu hath jo aata nahin is ka hai sabab kya
shayad main tujhe tujh se pare DhunDh raha hun
chhina tha jise subh-e-gurezan ki chamak ne
us lamhe ko ab sham Dhale DhunDh raha hun
har ek se jo kahta hon kahin 'arsh' ko DhunDo
kyun apne bahane main use DhunDh raha hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
