main ahl-e-dahr ki nazron mein be-aqida sahi
maiñ ahl-e-dahr kī nazroñ meñ be-aqīda sahī
ulaT naqāb ki nādīda aaj diida sahī
havā-e-kūcha-e-mahbūb kā huuñ dāman-gīr
hazār dāman-e-mahbūb nā-rasīda sahī
tasavvurāt tire husn se haiñ vābasta
ta.alluqāt tirī zaat se kashīda sahī
mirī buland ḳhayālī meñ kyā kamī aa.ī
maiñ arsh-zād nahīñ ḳhāk-e-āfrīda sahī
mujhe nahīñ na sahī ho adū ko chain nasīb
bashar kā dukh hai mujhe maiñ bashar gazīda sahī
jise milā hai use mast kar gayā 'sahbā'
mire ḳhayāl kā bāda-suḳhan kashīda sahī
main ahl-e-dahr ki nazron mein be-aqida sahi
ulaT naqab ki nadida aaj dida sahi
hawa-e-kucha-e-mahbub ka hun daman-gir
hazar daman-e-mahbub na-rasida sahi
tasawwuraat tere husn se hain wabasta
talluqat teri zat se kashida sahi
meri buland KHayali mein kya kami aai
main arsh-zad nahin KHak-e-afrida sahi
mujhe nahin na sahi ho adu ko chain nasib
bashar ka dukh hai mujhe main bashar gazida sahi
jise mila hai use mast kar gaya 'sahba'
mere KHayal ka baada-suKHan kashida sahi
- Book : Sarkashidah (Pg. 217)
- Author : Sahba Akhtar
- Publication : Maktaba-e-Nadeem ke airia ko rangi Karachi (1977)
- Edition : 1977
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
