main apne ghar mein ghair hun malum ho gaya
maiñ apne ghar meñ ġhair huuñ mā'lūm ho gayā
dil bas isī ḳhayāl se maġhmūm ho gayā
ab to 'adāvatoñ ke sivā aur kuchh nahīñ
puurā samāj zahr se masmūm ho gayā
sochā ra’ūnatoñ ne ki ham kāmyāb haiñ
aur fat.h-yāb dahr meñ mazlūm ho gayā
ye inqalāb ek shab-o-roz meñ huā
zinda thā kal jo aaj vo marhūm ho gayā
ham ko isī tarah se 'vasiyya' milā sukūñ
qismat meñ jis kī jo thā vo marqūm ho gayā
main apne ghar mein ghair hun ma'lum ho gaya
dil bas isi KHayal se maghmum ho gaya
ab to 'adawaton ke siwa aur kuchh nahin
pura samaj zahr se masmum ho gaya
socha ra’unaton ne ki hum kaamyab hain
aur fath-yab dahr mein mazlum ho gaya
ye inqalab ek shab-o-roz mein hua
zinda tha kal jo aaj wo marhum ho gaya
hum ko isi tarah se 'wasiyya' mila sukun
qismat mein jis ki jo tha wo marqum ho gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
