main apne haal-e-zar ka aaina-dar hun

maiñ apne hāl-e-zār kā ā.īna-dār huuñ

jaise kisī ġharīb kā ujḌā mazār huuñ

kyuuñ tanz aap karte haiñ mere gunāh par

ye maiñ ne kab kahā hai ki parhez-gār huuñ

yārab mirī tarah se koī aur bhī hai kyā

yā sirf ek maiñ hī yahāñ sañgsār huuñ

jo dil kī baat thī vahī lafzoñ meñ Dhaal dī

duniyā samajh rahī hai ki taḳhlīq-kār huuñ

sochā thā tujh ko pā ke milegā mujhe qarār

tū mil gayā to aur bhī maiñ be-qarār huuñ

nāz-o-ni.am se paal ke jis ko javāñ kiyā

afsos aaj maiñ usī beTe pe baar huuñ

main apne haal-e-zar ka aaina-dar hun

jaise kisi gharib ka ujDa mazar hun

kyun tanz aap karte hain mere gunah par

ye main ne kab kaha hai ki parhez-gar hun

yarab meri tarah se koi aur bhi hai kya

ya sirf ek main hi yahan sangsar hun

jo dil ki baat thi wahi lafzon mein Dhaal di

duniya samajh rahi hai ki taKHliq-kar hun

socha tha tujh ko pa ke milega mujhe qarar

tu mil gaya to aur bhi main be-qarar hun

naz-o-niam se pal ke jis ko jawan kiya

afsos aaj main usi beTe pe bar hun