main apne jism se bahar khaDa hun

maiñ apne jism se bāhar khaḌā huuñ

ḳhud apne aap hī ko DhūñDhtā huuñ

maiñ kis kī guuñj huuñ kis kī sadā huuñ

ye aksar sochtā huuñ maiñ ki kyā huuñ

maiñ sang-e-rāh huuñ yā naqsh-e-pā huuñ

ka.ī pairoñ tale rauñdā gayā huuñ

bahut pyāsā huuñ sāhil pe khaḌā huuñ

nigāhoñ se samundar nāptā huuñ

sukhātī hai paroñ ko dhuup jis par

maiñ vo ik zard pattā ban gayā huuñ

pahan kar lafz-o-ma.anī ke libāde

bahut din se kitāboñ meñ paḌā huuñ

ka.ī chehre nazar aate haiñ jis meñ

maiñ vo TuuTā huā sā aa.ina huuñ

har ik shai niiñd meñ Duubī huī hai

bas ik maiñ hī yahāñ par jāgtā huuñ

main apne jism se bahar khaDa hun

KHud apne aap hi ko DhunDhta hun

main kis ki gunj hun kis ki sada hun

ye aksar sochta hun main ki kya hun

main sang-e-rah hun ya naqsh-e-pa hun

kai pairon tale raunda gaya hun

bahut pyasa hun sahil pe khaDa hun

nigahon se samundar napta hun

sukhati hai paron ko dhup jis par

main wo ek zard patta ban gaya hun

pahan kar lafz-o-mani ke libaade

bahut din se kitabon mein paDa hun

kai chehre nazar aate hain jis mein

main wo TuTa hua sa aaina hun

har ek shai nind mein Dubi hui hai

bas ek main hi yahan par jagta hun