main bach saka na bachaya gaya hawa se mujhe

maiñ bach sakā na bachāyā gayā havā se mujhe

gile haiñ mujh se ḳhudā ko to haiñ ḳhudā se mujhe

hai kis kā dast-e-ḳhajil jo sarāpā khīñchtā hai

ye kaun dekhtā hai darz-e-nīm-vā se mujhe

vo hijr-zād hai aisā ki maiñ milūñ na milūñ

tarāsh letā hai apnī kisī qabā se mujhe

maiñ aap apnā hī ne’mul-badal tarāshtā huuñ

nikāle kaun ta'ajjub kī ibtilā se mujhe

use pata hai ki maiñ us ko dekhtā huuñ 'habīb'

vo shaḳhs dekhe na dekhe mirī balā se mujhe

main bach saka na bachaya gaya hawa se mujhe

gile hain mujh se KHuda ko to hain KHuda se mujhe

hai kis ka dast-e-KHajil jo sarapa khinchta hai

ye kaun dekhta hai darz-e-nim-wa se mujhe

wo hijr-zad hai aisa ki main milun na milun

tarash leta hai apni kisi qaba se mujhe

main aap apna hi ne’mul-badal tarashta hun

nikale kaun ta'ajjub ki ibtila se mujhe

use pata hai ki main us ko dekhta hun 'habib'

wo shaKHs dekhe na dekhe meri bala se mujhe