main bahaar-e-dil-e-shair hun to ab sare gulab

maiñ bahār-e-dil-e-shā.ir huuñ to ab saare gulāb

khil uTheñge mirī bū se mire jaane ke baad

mire hone kī nahīñ qadr kabhī tū ne kī

tū mirā naam nahīñ le mire jaane ke baad

vo jo hañste the mire haal pe kuchh din pahle

vo bhī be-sāḳhta ro.e mire jaane ke ba.ad

jo kabhī bhī mire pahlū meñ nahīñ baiThe the

vo mire sog meñ baiThe mire jaane ke baad

muntazir jis kī rahī ek zamāna 'māham'

vo bhī jab aa.e to aa.e mire jaane ke baad

main bahaar-e-dil-e-shair hun to ab sare gulab

khil uThenge meri bu se mere jaane ke baad

mere hone ki nahin qadr kabhi tu ne ki

tu mera nam nahin le mere jaane ke baad

wo jo hanste the mere haal pe kuchh din pahle

wo bhi be-saKHta roe mere jaane ke baad

jo kabhi bhi mere pahlu mein nahin baiThe the

wo mere sog mein baiThe mere jaane ke baad

muntazir jis ki rahi ek zamana 'maham'

wo bhi jab aae to aae mere jaane ke baad