main bhi zara KHamosh tha tum bhi udas the

maiñ bhī zarā ḳhamosh thā tum bhī udaas the

ik dūsre ke donoñ hī kuchh ās-pās the

chehre bhī masḳh ho ga.e rūhoñ ke saath saath

kyā jaane kis tarah ke vo zarrīñ libās the

ūñchī 'imārateñ bhī baneñgī vabāl-e-jān

kuchh apne saath auroñ ke bhī ye qayās the

uḌte hue jo dhuup meñ utre thake paroñ

tālāb ḳhushk aur vo sadiyoñ kī pyaas the

'aql-o-nazar se aur bhī dushvāriyāñ baḌhīñ

achchhā thā jab Thikāne na hosh-o-havās the

main bhi zara KHamosh tha tum bhi udas the

ek dusre ke donon hi kuchh aas-pas the

chehre bhi masKH ho gae ruhon ke sath sath

kya jaane kis tarah ke wo zarrin libas the

unchi 'imaraten bhi banengi wabaal-e-jaan

kuchh apne sath auron ke bhi ye qayas the

uDte hue jo dhup mein utre thake paron

talab KHushk aur wo sadiyon ki pyas the

'aql-o-nazar se aur bhi dushwariyan baDhin

achchha tha jab Thikane na hosh-o-hawas the