main chehre par wasiyyat likh raha hun

maiñ chehre par vasiyyat likh rahā huuñ

pasīne se mashaqqat likh rahā huuñ

milī hai aaj fursat likh rahā huuñ

bahut tāḳhīr se ḳhat likh rahā huuñ

samay kī dhuup se chehre par apne

har ik pal kī aziyyat likh rahā huuñ

ka.ī din ke maiñ fāqoñ se guzar kar

bas ik TukḌā ġhanīmat likh rahā huuñ

yahāñ par kuchh shanāsāoñ se mil kar

ye daur-e-ajnabiyyat likh rahā huuñ

kabhī aa kar milo mujh ajnabī se

maiñ ik lamha qayāmat likh rahā huuñ

amīr-e-kārvāñ ko ye ḳhabar do

ki manzil kī bashārat likh rahā huuñ

tirā ehsān hai mujh par mirī jaañ

tire ġham kī badaulat likh rahā huuñ

ye mausam ke sabhī rangoñ meñ Dhal kar

mizāj-e-ādmiyyat likh rahā huuñ

main chehre par wasiyyat likh raha hun

pasine se mashaqqat likh raha hun

mili hai aaj fursat likh raha hun

bahut taKHir se KHat likh raha hun

samay ki dhup se chehre par apne

har ek pal ki aziyyat likh raha hun

kai din ke main faqon se guzar kar

bas ek TukDa ghanimat likh raha hun

yahan par kuchh shanasaon se mil kar

ye daur-e-ajnabiyyat likh raha hun

kabhi aa kar milo mujh ajnabi se

main ek lamha qayamat likh raha hun

amir-e-karwan ko ye KHabar do

ki manzil ki bashaarat likh raha hun

tera ehsan hai mujh par meri jaan

tere gham ki badaulat likh raha hun

ye mausam ke sabhi rangon mein Dhal kar

mizaj-e-admiyyat likh raha hun